شام:یرموک کیمپ سے 80 فی صد عسکری گروپوں کا انخلاء مکمل

(ایجنسیز)
 شام کے دارالحکومت دمشق کے جنوب میں آٹھ ماہ سے سرکاری فوج کے محاصرے کےشکار یرموک فلسطینی پناہ گزین کیمپ میں موجود غیر فلسطینی عسکری گروپوں کی بڑی تعداد وہاں سے نکل گئی ہے۔

شام میں مقیم فلسطینی تجزیہ نگار علی بدوان کا کہنا ہے کہ یرموک کیمپ میں موجود غیر فلسطینی عسکری تنظیموں کے  80  سے 85  فی صد ارکان کیمپ کی حدود سے باہر ہوچکے ہیں۔

عرب خبر رساں ایجنسی"قدس پریس" سے گفتگو کرتے ہوئے بدوان کا کہنا تھا کہ عسکری گروپوں کا کیمپ سے انخلاءجاری ہے۔ اگلے ایک دو روز میں تمام غیر فلسطینی جنگجو گروپ یرموک کیمپ سے مکمل



طورپر نکل جائیں گے۔ جس کے بعد فلسطینی اور ماہرین کی ایک ٹیم کیمپ میں داخل ہوکر وہاں پر بچھائی گئی بارودی سرنگوں کو نکالنے اور انہیں ناکارہ بنانے کا کام شروع کرے گی۔ مسلح عناصر کے کیمپ میں داخلے کی راہ روکنے کے لیے کیمپ کے مشرقی، جنوبی اور مغربی داخلی راستے بند کردیے جائیں گے۔
ایک سوال کے جواب میں انہوں نے کہا کہ اب فلسطینی اتھارٹی کےعہدیداروں پرمنحصر ہے کہ وہ وہاں پر موجود فلسطینی محصورین کی مدد کے لیے وہ کیا کچھ کرسکتے ہیں۔
علی بدران کا کہنا تھا کہ کیمپ میں مستقل قیام امن کے لیے فلسطینی اتھارٹی اور تمام فلسطینی تنظیموں کو مل کرکام کرنا ہوگا۔